"உடலை சொந்த ஊருக்கு கொண்டுவர உதவ வேண்டும்" - 13 வயது மகன் அரசுக்கு கோரிக்கை

வெளிநாட்டில் உயிரிழந்த தந்தையின் உடலை சொந்த ஊருக்கு கொண்டு வர நடவடிக்கை எடுக்க வேண்டும் என 13 வயது சிறுவன் அரசுக்கு கண்ணீர் மல்க கோரிக்கை விடுத்துள்ளார். ராமநாதபுரம் மாவட்டம் பரமக்குடி அருகே உள்ள காக்கனேந்தல் கிராமத்தைச் சேர்ந்த மணிமுத்து-சமயவள்ளி தம்பதிக்கு 13 வயதில் மகன் உள்ளார். மணிமுத்து, 2018-ம் ஆண்டு முதல் சவூதி அரேபியாவில் ஓட்டுநராக பணிபுரிந்து வந்துள்ளார். கடந்த மாதம் 30-ம் தேதி மின்சாரம் தாக்கி மணிமுத்து உயிரிழந்துள்ளார். அவரது உடலை சொந்த ஊருக்கு கொண்டு வர வேண்டும் என மணிமுத்துவின் 13 வயது மகன் கண்ணீர் மல்க, மத்திய மாநில அரசுகளுக்கு கோரிக்கை விடுத்துள்ளார்.