சூடுபிடிக்கும் அரசியல் களம்..! திருச்சியில் மு.க.ஸ்டாலின் பிரசாரம் தொடக்கம் | DMK | MK Stalin

தமிழகம் மற்றும் புதுவையில் உள்ள 40 தொகுதிகளிலும் தமிழக முதல்வர் மு க ஸ்டாலின் தேர்தல் பிரச்சாரத்தை மேற்கொள்ள உள்ளார். முதற்கட்டமாக இன்று மாலை திருச்சி சிறுகனூரில் வேட்பாளர்கள் அறிமுக பொதுக் கூட்டத்தில் கலந்து கொள்கிறார். அதில், திருச்சி மதிமுக வேட்பாளர் துரை வைகோ மற்றும் பெரம்பலூர் வேட்பாளர் கே.என்.நேருவின் மகன் அருண் நேருவை அறிமுகம் செய்து தனது பிரச்சார பயணத்தை தொடங்குகிறார். இதையொட்டி அங்கு 50 ஆயிரத்திற்கும் மேற்பட்ட இருக்கைகளுடன் பிரம்மாண்ட மேடை அமைக்கப்பட்டுள்ளது. தொடர்ந்து அங்கு போக்குவரத்து மாற்றப்பட்டுள்ளதுடன், பலத்தப் போலீஸ் பாதுகாப்பும் போடப்பட்டுள்ளது. திருச்சியில் பிரச்சார கூட்டத்தை முடித்துக் கொண்டு தஞ்சை செல்லும் மு.க.ஸ்டாலின், நாளைய தினம் திருவாரூர் மாவட்டத்தில் நடக்கும் பிரச்சார கூட்டத்தில் பங்கேற்க உள்ளார்.