குலதெய்வம் கோயிலுக்கு சென்று திரும்பிய போது நள்ளிரவில் பறிபோன உயிர் - 11 பேருக்கு நேர்ந்த கதி

குலதெய்வம் கோயிலுக்கு சென்று திரும்பிய போது நள்ளிரவில் பறிபோன உயிர் - 11 பேருக்கு நேர்ந்த கதி

கோவில்பட்டி அருகே லாரி மீது வேன் மோதிய விபத்தில் ஒருவர் உயிரிழந்தார். 11 பேர் காயமடைந்தனர்.நெல்லை டவுன் பகுதியை சேர்ந்த வீரப்பன், தனது குடும்பத்தினருடன் புதுக்கோட்டை மாவட்டம் அறந்தாங்கியில் உள்ள குலதெய்வம் கோவிலுக்கு சாமி கும்பிடுவதற்காக வேனில் சென்று தரிசனம் முடித்துவிட்டு, நள்ளிரவில் கோவில்பட்டி அருகே தளவாய்புரம் பகுதியில் வேனில் வந்து கொண்டிருந்தார். அப்போது, முன்னால் சென்ற லாரியை முந்த முயன்றபோது, எதிர்பாராதவிதமாக வேன் நிலைதடுமாறி லாரியின் பின்பக்கத்தில் மோதி விபத்துக்குள்ளானது. இதில் சம்பவ இடத்திலேயே வீரப்பன் உயிரிழந்தார். வேன் ஓட்டுநர் உட்பட 11 பேர் காயமடைந்தனர். அவர்களை போலீசார் மீட்டு, கோவில்பட்டி அரசு மருத்துவமனைக்கு அனுப்பி வைத்தனர். உயிரிழந்த வீரப்பனின் உடலை, நெல்லை அரசு மருத்துவக்கல்லூரி மருத்துவமனைக்கு அனுப்பி வைத்தனர். விபத்து குறித்து கயத்தார் போலீசார் வழக்குப்பதிவு செய்து விசாரணை நடத்தி வருகின்றனர்.