வசூல் ராஜா பட பாணியில் காப்பி... தேர்வு அறையில் கேட்ட வித்தியாசமான ஒலி - எஸ்ஐ ஆக நினைத்து ஈசியாக சிக்கிய நபர்

தமிழக காவல்துறையில் உதவி காவல் ஆய்வாளர் பணிக்காண

தேர்வு அனைத்து மாவட்டங்களில் நடைபெற்றது. இதில் கிருஷ்ணகிரி மாவட்டம் ஓசூர் அருகே உள்ளதனியார் கல்லூரியில் நடைபெற்ற தேர்வில், அறையினுள் இருந்து வித்தியாசமான சத்தம் கேட்டதால் கண்காணிப்பாளர்கள் சந்தேகமடைந்தனர். உடனே, அறையை சோதனை செய்த போது, வாய்ஸ் டிரான்ஸ் மீட்டர் கருவியுடன் தேர்வு எழுதிய நவீன் என்ற இளைஞரை போலீசார் கைது செய்தனர். விசாரணையில், நுண்ணிய கருவியான வாய்ஸ் டிரான்ஸ் மீட்டரை, தன்னுடைய முக கவசத்தில் மறைத்து வைத்து தைத்த நவீன், அறைக்குள் சென்றதும் கருவியை ஆன் செய்திருக்கிறார். இதன்பின்பு, ரிசர்வ் மூலமாக வெளியில் உள்ள தனது நண்பர் ராஜவேலிடம் கேள்விகள் கேட்க, அவரும் கூகுளில் தேடி பதில் கூறியது தெரியவந்துள்ளது. வாய்ஸ் டிரான்ஸ் மீட்டர் கருவி மூலம் குறைந்த பட்சம் 300 மீட்டரில் தொடங்கி 5 கி.மீ தூரத்தில் இருந்து கூட பேசலாம் என்பது குறிப்பிடத்தக்க நிலையில், இளைஞர்கள் இருவரையும் போலீசார் கைது செய்து விசாரணை நடத்தி வருகின்றனர்.