கடனை திருப்பி கேட்ட நபர்... ரத்தம் தெறிக்க தெறிக்க... அடித்துக்கொன்ற நபர்... அதிர்ந்த சென்னை

சென்னை அடுத்த குரோம்பேட்டையை சேர்ந்தவர் தாமஸ். லாரி ஓட்டுநரான இவரிடம், அதே பகுதியை சேர்ந்த சபரி என்பவர் எலக்ட்ரானிக் பொருட்கள் வாங்கித் தருவதாக கூறி 28 ஆயிரம் ரூபாய் பணம் பெற்றதாக கூறப்படுகிறது. சொன்னபடி எலக்ட்ரானிக் பொருள்கள் வாங்கித் தராமலும், பணத்தை திருப்பி கொடுக்காமலும் சபரி இழுத்தடித்து வந்ததால், பணத்தை கேட்டு தகராறு செய்த தாமஸ், ஒரு கட்டத்தில் சபரியின் குடும்பத்தை அவதூறாக பேசியதாக தெரிகிறது. இதனால், ஆத்திரமடைந்த சபரி தாமஸை ஆயுதங்களால் அடித்து கொன்றது அதிர்ச்சியை ஏற்படுத்திய நிலையில், போலீசில் சரணடைந்த சபரியிடம் போலீசார் தீவிர விசாரணை நடத்தி வருகின்றனர்.