பிரபல இந்தி நடிகை சோனாக்ஷி சின்ஹா தமது நீண்ட கால காதலரான ஜாகீர் இக்பாலை கரம் பிடித்தார். அவர்களது திருமண வரவேற்பு நிகழ்ச்சியில் முன்னணி பாலிவுட் நட்சத்திரங்கள் கலந்து கொண்டு மணமக்களை வாழ்த்தினர்.
இந்தி நடிகர் சத்ருகன் சின்ஹா, பூனம் சின்ஹா தம்பதியரின் மகளான நடிகை சோனாக்ஷி சின்ஹா தம்முடன் நடித்த ஜாகீர் இக்பாலை நீண்ட காலமாக காதலித்து வந்ததாக கூறப்படுகிறது. இந்நிலையில் இருவரின் திருமணம் மும்பையில் நடைபெற்றது. இதில் மணமக்களின்
பெற்றோர் மற்றும் நெருங்கிய உறவினர்கள் மட்டுமே கலந்து கொண்டனர். பின்னர் சோனாக்ஷி சின்ஹா- ஜாகீர் இக்பாலின் திருமண வரவேற்பு நிகழ்ச்சி மும்பையில் உள்ள நட்சத்திர விடுதியில் கோலாகலமாக நடைபெற்றது. இதில் சல்மான்கான், அனில்கபூர், ரேகா, வித்யா பாலன், கஜோல், தபு உள்ளிட்ட முன்னணி பாலிவுட் நட்சத்திரங்கள் கலந்து கொண்டனர். இது குறித்த வீடியோ இன்ஸ்டாகிராமில் பகிரப்பட்டுள்ளது.