காரை வழிமறித்து தாக்கிய 4 பேர்..கதறும் பிரபல நடிகர்..| TamilCinema | Chennai

சச்சின், பார்த்திபன் கனவு உள்ளிட்ட பல்வேறு திரைப்படங்களில் துணை நடிகராக நடித்தவர் மோகன் ஷர்மா. இவர் போயஸ் கார்டனில் உள்ள தனது வீட்டை, இடைத்தரகர்களான சேகரன் மற்றும் அவரது மகன் கிருஷ்ணகுமார் மூலம், ராஜா ரமணன் என்பவருக்கு விற்றுள்ளார். ஆனால் ராஜா ரமணனை வீட்டில் குடியேறவிடாமல், இடைத்தரகர்கள் இருவரும் வீட்டில் அத்துமீறி குடியிருந்து வருவதாக கூறப்படுகிறது. இதுகுறித்து மோகன் ஷர்மா போலீசாரிடம் புகாரளித்ததால், அவருக்கும் இடைத்தரகர்களுக்கும் தகராறு ஏற்பட்டதாகவும் தெரிகிறது. இந்தநிலையில் கடந்த 26 ஆம் தேதி, மோகன் ஷர்மாவின் காரை வழிமறித்து நான்கு பேர் அவரை தாக்கியதாக கூறப்படுகிறது. இதில் காயமடைந்து அரசு கீழ்ப்பாக்கம் மருத்துவமனையில் அனுமதிக்கப்பட்டுள்ள அவர், இடை தரகர்களின் தூண்டுதலில் பேரில், தன் மீது தாக்குதல் நடத்தப்பட்டதாக புகார் அளித்துள்ளார். புகார் குறித்து போலீசார் விசாரணை நடத்தி வருகின்றனர்.