நாதஸ்வர கலைஞர் அடித்துக் கொலை தவில் கலைஞர்கள் 2 பேரை பிடித்து விசாரணை

ஈரோடு மாவட்டம் சத்தியமங்கலம் அடுத்துள்ள பாறைபுதூர் பகுதியில் உள்ள நிலத்தில் 50 வயதான ஒருவரின் சடலம் மீட்கப்பட்டது. சடலத்தை கைப்பற்றி விசாரித்த போது அவர் மாரம்பாளையம் கிராமத்தை சேர்ந்த நாதஸ்வர கலைஞர் பழனிசாமி என தெரியவந்தது. சம்பவத்தன்று தவில் கலைஞர்கள் 2 பேருடன் சேர்ந்து பழனிசாமி மது அருந்திய போது ஏற்பட்ட தகராறில் மண்வெட்டியால் அவரை அடித்துக் கொன்றது தெரியவந்தது. இதன்பேரில் சடலத்தை மீட்ட போலீசார், தவில் கலைஞர்கள் 2 பேரை பிடித்து விசாரணை நடத்தி வருகின்றனர்.