"பழவேற்காடு, ராமேஸ்வரத்தில் மீன்பிடி துறைமுகம்" - மீன்வளத்துறை அமைச்சர் அனிதா ராதாகிருஷ்ணன்

ராமேஸ்வரம், பழவேற்காட்டில் மீன்பிடி துறைமுகம் அமைக்க நடவடிக்கை எடுக்கப்பட்டு வருவதாக மீன்வளத்துறை அமைச்சர் அனிதா ராதாகிருஷ்ணன் தெரிவித்துள்ளார். உறுப்பினர் காதர்பாட்சா முத்துராமலிங்கம் எழுப்பிய கேள்விக்கு பதிலளித்த அவர், ராமேஸ்வரத்தில் நிர்வாக ரீதியாக  ஒன்றரை கோடி ரூபாய் ஒதுக்கப்பட்டு, ஆய்வு பணிகள் நடைபெற்று வருவதாக தெரிவித்தார். மேலும் பழவேற்காட்டில் முகதூவாரத்தை சீரமைக்க 26.85 கோடி செலவில் பணிகள் நடைபெறுவதாக அமைச்சர் தெரிவித்தார்.