விஜய் சேதுபதி பட இயக்குநர் வீட்டில் திருட்டு - இரும்பு மூடியை தூக்கி சென்ற சிசிடிவி காட்சி

சென்னையில் திரைப்பட இயக்குநர் வீட்டில் தண்ணீர் தொட்டியின் இரும்பு மூடியை மர்ம நபர்கள் திருடிச் சென்றுள்ளனர். விஜய் சேதுபதி நடித்த றெக்க, ஜீவா நடித்த சீறு படங்களை இயக்கிய ரத்தின சிவா-வின் வீடு மேற்கு மாம்பலம் அண்ணாமலை நகரில் உள்ளது. வீட்டில் உள்ள தண்ணீர் தொட்டியில் பொருத்தப்பட்டிருந்த இரும்பு மூடி திருடு போயிருந்தது. இதையடுத்து சிசிடிவி காட்சிகளை ஆய்வு செய்தபோது, மதிய வேளையில் இருசக்கர வாகனத்தில் வந்த இருவர், இரும்பு மூடியை திருடிவிட்டு சென்றது பதிவாகி இருந்தது. இதுகுறித்து போலீசார் வழக்குப்பதிவு செய்து விசாரித்து வருகின்றனர்.