பெண்ணை பாலியல் பலாத்காரம் செய்து கொன்ற பயங்கரம் - 2 பேரை கைது செய்த போலீசார்

பாபநாசம் அருகே உள்ள கிராமத்தை சேர்ந்த 33 வயதான பெண் ஆடு மேய்க்கச் சென்றுள்ளார். அன்றாடம் குறிப்பிட்ட நேரத்திற்குள் திரும்பி வரும் அவர், சம்பவத்தன்று வராமல் போகவே, உறவினர்கள் தேடிச் சென்றனர். அப்போது ஆற்றங்கரையோரத்தில் தலையில் காயங்களோடு சடலமாக அந்த பெண் மீட்கப்பட்டார். விசாரணையில் அவர் பாலியல் பலாத்காரத்திற்கு ஆளானதும் தெரியவந்தது. இதன்பேரில் போலீசார் விசாரணை நடத்திய போது அதே ஊரை சேர்ந்த பெரியசாமி, சதீஷ் குமார் ஆகிய 2 பேரும் அந்த பெண்ணை பாலியல் பலாத்காரம் செய்து தலையில் அடித்துக் கொன்றது தெரியவந்தது. இதன்பேரில் 2 பேரையும் கைது செய்த போலீசார், இதில் தொடர்புடைய மேலும் ஒருவரை தேடி வருகின்றனர்.