இரவு முதல் கொட்டித்தீர்த்த கனமழை; வீடுகளை மழை நீர் சூழ்ந்த‌து - மக்கள் அவதி

நாமக்கல் மாவட்டம் திருச்செங்கோட்டில் பெய்த கனமழை காரணமாக குடியிருப்பு பகுதிகளுக்குள் வெள்ள நீர் புகுந்த‌து. நாமக்கல், கொல்லிமலை, மோகனூர், திருச்செங்கோடு, பரமத்திவேலூர் உள்ளிட்ட பகுதிகளில் நேற்று நள்ளிரவு முதல் மழை பெய்த‌து. திருச்செங்கோடு பகுதிகளில் இன்று அதிகாலை சுமார் இரண்டு மணிநேரத்திற்கு மேலாக கொட்டித்தீர்த்த கனமழையால் கால்வாய்கள் நிரம்பி ஊருக்குள் தண்ணீர் புகுந்த‌து. சூரியம்பாளையம், கூட்டப்பள்ளி ஆகிய கிராமங்களுக்குள் வெள்ள நீர் பெருக்கெடுத்து செல்வதாக பொதுமக்கள் அவதியடைந்துள்ளனர். சுமார் 40க்கும் மேற்பட்ட வீடுகளை வெள்ள நீர் சூழ்ந்துள்ளதால் மக்கள் வெளியே வர முடியாத நிலை ஏற்பட்டுள்ளது. இதையடுத்து,  நீர் வழிப்பாதையை சரி செய்து, தண்ணீரை வெளியேற்றும் பணியில் வருவாய் துறை அதிகாரிகள் ஈடுபட்டுள்ளனர்.