சூட்டிங்கில் தோனி - விஜய் சந்திப்பு : ரசிகர்கள் மகிழ்ச்சி
சென்னையில் தோனியும், நடிகர் விஜயும் நேரில் சந்தித்த புகைப்படங்கள் இணையத்தில் வெளியாகி கவனத்தை ஈர்த்துள்ளன. இதுபற்றி விரிவாக பார்ப்போம்...
கொரோனாவால் பாதியில் நின்றுபோன ஐபிஎல் தொடர் அடுத்த மாதம் ஐக்கிய அரபு அமீரகத்தில் தொடங்க இருக்கும் சூழலில், தொடருக்கு தயாராவதற்காக சென்னை வந்துள்ளார் சிஎஸ்கே கேப்டன் எம்.எஸ். தோனி..
இதையடுத்து சென்னையில் அவர் வந்து இறங்கிய புகைப்படங்களையும், வீடியோவையும் பகிர்ந்து மகிழ்ச்சியை வெளிப்படுத்தினர் ரசிகர்கள்...
இந்த சூழலில் விளம்பர படப்பிடிப்பிற்காக கோகுலம் ஸ்டூடியோவிற்கு தோனி விசிட் அடிக்க, அங்கு ஏற்கனவே பீஸ்ட் படத்தின் சூட்டிங்கில் பிசியாக இருந்துள்ளார் நடிகர் விஜய்...
அப்போது தோனி வருகையை அறிந்த விஜய், அவரை நேரில் சென்று சந்தித்து, கேரவனுக்கு அழைத்து சென்று கலந்துரையாடினார்.
அடுத்த சில நிமிடங்களில் அவர்கள் சந்தித்த புகைப்படங்கள் இணையத்தில் பகிரப்பட தேசிய அளவில் பேசு பொருளாகி இருக்கின்றனர், தோனியும், விஜயும்....