பிறந்து ஒரு மணி நேரம் ஆன பெண் குழந்தை.. சாலையில் வீசிச் சென்ற பெண் யார் ?

வேலூர் அணைக்கட்டில், பிறந்து ஒரு மணி நேரமே ஆன பெண் குழந்தையை, சாலையில் வீசிச் சென்ற பெண்ணை போலீசார் தேடி வருகின்றனர்.ஒடுகத்தூர் அஞ்சல் அலுவலக வீதியில் கட்டிட வேலை நடைப்பெற்று வருகின்றது. அப்போது, 30 வயது மதிக்கதக்க ஒரு பெண் கையில் குழந்தையுடன் அமர்ந்து இருந்தார். பின்னர் சிறிது நேரத்தில் யாரும் பார்க்காத நேரத்தில், குழந்தையை வீசி சென்றதாக கூறப்படுகிறது. இதனையடுத்து குழந்தையின்,அழுகை சத்தத்தை கேட்ட, தொழிலாளர்கள், குழந்தையை மீட்டனர். பின்னர் குழந்தைக்கு முதலுதவி சிகிச்சை அளிக்கப்பட்டு, வேலூர் அரசு மருத்துவமனைக்கு அனுப்பி வைத்தனர். குழந்தையை வீசி சென்ற பெண் யார் என்பது குறித்து வேப்பங்குப்பம் போலீசார் விசாரணை நடத்தி வருகின்றனர்.