உள்ளாட்சி தேர்தல் தொடர்பாக கோஷ்டி மோதல் - 25 பேர் கைது

புதுக்கோட்டை அருகே கே.புதுப்பட்டி அருகே போச்சம்பள்ளியில் உள்ளாட்சி தேர்தல் தொடர்பாக இருதரப்பினரிடையே கோஷ்டி மோதல் ஏற்பட்டது. இதையடுத்து அங்கு போலீஸார் விரைந்தனர். மோதலை தடுக்க காவல்துறை உதவி ஆய்வாளர் வானத்தை நோக்கி துப்பாக்கியால் சுட்டதால் பரபரப்பு ஏற்பட்டது. இதனைத் தொடர்ந்து இருதரப்பை சேர்ந்த 25 பேரை போலீஸார் கைது செய்துள்ளனர். அங்கு பதற்றம் நிலவுவதால் போலீஸார் குவிக்கப்பட்டுள்ளனர்.