மழையால் வாழை சேதம் - நிவாரணம் வழங்க கோரிக்கை

திருப்பூர் மாவட்டம் பல்லடத்தை அடுத்த சித்தம்பலத்தில் வசித்து வருபவர் வெள்ளியங்கிரி. இவர் தனது நிலத்தில் பயிரிட்டிருந்த வாழையை அறுவடை செய்ய முடியாமல் தவித்து வந்துள்ளார். இந்நிலையில், சில தினங்களுக்கு முன்னர் பலத்த காற்றுடன் பெய்த மழையில் வாழை மரங்கள் அடியோடு சாய்ந்து சேதமாகி உள்ளது. இதனால், செய்வதறியாது திகைத்து உள்ள அவர், தனக்கு நிவாரணம் வழங்கி அரசு காக்க வேண்டும் என கோரிக்கை விடுத்துள்ளார்.