எம்.ஆர்.பி.யை விட கூடுதலாக ரூ.2 வசூல் - சூப்பர் மார்க்கெட்டிற்கு ரூ.15,000 அபராதம்

எம்.ஆர்.பி. விலையை விட, கூடுதலாக இரண்டு ரூபாய் வசூலித்த தனியார் சூப்பர் மார்க்கெட்டிற்கு, 15 ஆயிரம் ரூபாய் அபராதம் விதிக்கப்பட்டுள்ளது. விருதுநகர் மாவட்டம் ராஜபாளையத்தில் இந்த சம்பவம் நிகழ்ந்துள்ளது. சத்தியபாமா என்பவர் தொடர்ந்த வழக்கு 3 ஆண்டுகளாக நடைபெற்று வந்த நிலையில், நுகர்வோர் நீதிமன்றம் இந்த உத்தரவை பிறப்பித்துள்ளது. மேலும், அபராத தொகையை சூப்பர் மார்க்கெட் நிர்வாகம் கட்டத் தவறினால், சட்ட ரீதியாக நடவடிக்கை எடுக்கப்படும் என்றும், நுகர்வோர் குறைதீர் மன்றத்தின் தலைவர் சண்முகநாதன் தெரிவித்துள்ளார்.