"மறைமுக தேர்தல் முடிவுகள் அறிவிப்பு"

தமிழகத்தில் ஒத்தி வைக்கப்பட்ட உள்ளாட்சி அமைப்பு தலைவர் பதவிகளுக்கான மறைமுக தேர்தல் நடைபெற்றது. அதில், ஒன்றிய குழு தலைவர் பதவிகளில் அதிமுக 7, திமுக 4, பாமக 2, சுயேச்சை 1 என வெற்றி பெற்றுள்ளனர். 

* நீதிமன்ற உத்தரவு, சட்டம் ஒழுங்கு பிரச்சினை, போதிய உறுப்பினர்கள் இல்லாதது போன்ற காரணங்களால் 12 இடங்களுக்கு தேர்தல் நடைபெறவில்லை

* இதுபோல, ஊராட்சி ஒன்றிய துணை தலைவர் பதவிக்கான தேர்தலில் அதிமுக 5, திமுக 10, பாமக 1, காங்கிரஸ் 1, மதிமுக 1, சுயேச்சை 4 என வெற்றி பெற்றுள்ளனர். 

* நீதிமன்ற உத்தரவு, சட்டம் ஒழுங்கு பிரச்சினை, உறுப்பினர்கள் வருகையின்மை ஆகிய காரணங்களால் 19 துணை தலைவர் பதவி இடங்களுக்கு மறைமுக தேர்தல் மீண்டும் ஒத்திவைக்கப்பட்டுள்ளது. 

* இதுபோலவே, போதிய உறுப்பினர்கள் வராததால் சிவகங்கை மாவட்ட ஊராட்சி தலைவர் மற்றும் மாவட்ட ஊராட்சி துணை தலைவர் பதவிகளுக்கான மறைமுக தேர்தலும் நடைபெறவில்லை. இந்த தகவல்களை மாநில தேர்தல் ஆணையம் தெரிவித்துள்ளது.