டாஸ்மாக் கடை ஜன்னலை உடைத்து துணிகரம் - ரூ.50ஆயிரம் மதிப்பிலான மதுபாட்டில்கள் திருட்டு
திருப்பத்தூர் அருகே அரசு மதுபான கடையின் ஜன்னலை உடைத்து 50 ஆயிரம் ரூபாய் மதிப்பிலான மது பாட்டில்களை மர்மநபர்கள் கொள்ளையடித்துச் சென்ற சம்பவம் பரபரப்பை ஏற்படுத்தி உள்ளது.
ஜோலார்பேட்டை அடுத்த தாமலேரிமுத்தூர் பகுதியில், இயங்கி வந்த மதுபான கடையில் இந்த துணிகர கொள்ளை அரங்கேறி உள்ளது. ஏற்கனவே கடந்த ஆண்டு, இதே மதுபான கடையில் கொள்ளை நடந்துள்ளது. இதுகுறித்து ஜோலார்பேட்டை போலீசார் வழக்கு பதிவு செய்து தீவிர விசாரணை நடத்தி வருகின்றனர்.