தலைவர்கள் வருகைக்கு பிறகு மாமல்லபுரத்தில் குவியும் சுற்றுலா பயணிகள்

மாமல்லபுரத்திற்கு கடந்த மாதம் பிரதமர் மோடி, சீன அதிபர் ஷீ ஜின்பிங் ஆகியோர் வருகை தந்தனர். இதனால் புதுப்பொலிவு பெற்றுள்ள மாமல்லபுரத்திற்கு, சுற்றுலா பயணிகள் வருகை அதிகரித்துள்ளது. அங்கு இரவிலும் புராதன சின்னங்களை சுற்றுலா பயணிகள் கண்டுகளிக்கும் வகையில் மின் விளக்குகள் பொருத்தப்பட்டு சிற்பங்கள் ரம்மியமாக காட்சி அளிக்கிறது. பார்வையாளர் நேரமும் இரவு 9 மணி வரை  நீட்டிக்கப்பட்டது. இதனால் சுற்றுலா பயணிகளின் வருகை நாளுக்கு நாள் அதிகரித்து வருகிறது.