மார்பக புற்றுநோய் - டிஜிட்டல் முறையில் விழிப்புணர்வு

கோவையில் உள்ள ஸ்ரீ ராமகிருஷ்ணா மருத்துவமனையில், மார்பக புற்றுநோய் குறித்து டிஜிட்டல் முறையில் விழிப்புணர்வு செய்யும் நிகழ்ச்சி நடைபெற்றது. நிகழ்ச்சியில் பங்கேற்றவர்களுக்கு, கியூ ஆர் கோடு அடங்கிய செல்போன் கவர்கள் கொடுக்கப்பட்டன. இந்த கியூ ஆர் கோடை ஸ்கேன் செய்தால், மார்பக புற்றுநோய் குறித்த செய்திகள், வீடியோக்கள், குறும்படங்கள் ஆகியவற்றை காணலாம். இது குறித்து பேசிய புற்றுநோய் ஆராய்ச்சியாளர் குகன், இந்தியாவில் மார்பக புற்றுநோய் குறித்த விழிப்புணார்வு அதிக அளவில் இல்லை என்றும், மக்கள் அதிகம் பயன்படுத்தும் செல்போன் மூலம் விழிப்புணர்வை ஏற்படுத்தவே, இந்த முறையை கையாண்டு உள்ளதாகவும் தெரிவித்தார்.