ரஷ்யாவில் திறன் மேம்பாட்டு போட்டியில் தங்க பதக்கம் : தங்கம் வென்ற மாணவிக்கு மக்கள் சார்பில் பாராட்டு விழா

ரஷ்யாவில் நடைபெற்ற திறன் மேம்பாட்டு போட்டியில், இந்தியாவின் சார்பில் கலந்து கொண்டு தங்கப்பதக்கம் வென்ற மாணவிக்கு ஊர்பொது மக்கள் சார்பில் பாராட்டு விழா நடைபெற்றது. ரஷ்யாவில் 63 நாடுகளை சேர்ந்த மாணவர்கள் கலந்து கொண்ட திறன் மேம்பாட்டு போட்டி நடைபெற்றது. இதில் சமூக பாதுகாப்பு பிரிவில் இந்தியாவின் சார்பில் கலந்துகொண்ட, அருப்புக்கோட்டை அருகே உள்ள பூலாங்கால் கிராமத்தை சார்ந்த தஸ்லீம் முகைதீன் என்ற மாணவி தங்கப்பதக்கம் வென்றார். இந்நிலையில் மாணவியை பாராட்டும் விதமாக இன்று பூலாங்காலில் ஊர் பொதுமக்கள் சார்பில் பாராட்டு விழா நடைபெற்றது.