மதுக்கரை அருகே மலைகிராமத்தில் சிறுத்தை? : சமூக வலைதளங்களில் பரவும் வீடியோவால் மக்கள் பீதி

கோவை, மதுக்கரை அருகே மலையடிவாரப் பகுதிகளில் சிறுத்தை உலாவருவதாக பொதுமக்கள் பீதி அடைந்துள்ளனர். அங்குள்ள 'ஷூட்டிங் ரேஞ்ச்' என்கிற இடத்தில் சிறுத்தை அடிக்கடி உலா வரும் நிலையில், தற்போது சிறுத்தை ஒன்று நாயை துரத்தி கடிப்பது போன்ற வீடியோ சமூக வலைதளங்களில் பரவி வருகிறது. ஆனால் இந்த வீடியோ மதுக்கரை பகுதியில் எடுக்கப்பட்டதா? என்பது உறுதி செய்யப்படாத நிலையில், வனத்துறையினர் தீவிர கண்காணிப்பில் ஈடுபட்டுள்ளனர். இது தொடர்பாக குடியிருப்பு பகுதிகளிலும் விசாரணை நடத்தி வருகின்றனர்.