கஞ்சா கடத்தல் - ஆந்திராவில் 7 தமிழர்கள் கைது

ஆந்திராவில் இருந்து தமிழகத்திற்கு காரில் கஞ்சா கடத்தியதாக தேனி மாவட்டத்தை சேர்ந்த 7 பேர் கைது செய்யப்பட்டனர். கிழக்கு கோதாவரி மாவட்டம் ராவுலபாளையம் வழியாக கஞ்சா கடத்தப்படுவதாக கிடைத்த தகவலின் பேரில், போலீசார் தீவிர வாகன சோதனையில் ஈடுபட்டனர். அங்கு சந்தேகத்திற்கிடமான வகையில் வந்த 2 வாகனங்களை மடக்கி சோதனை மேற்கொண்டதில்,  கஞ்சா கடத்திவந்தது தெரியவந்தது. இதனையடுத்து தமிழகத்திற்கு காரில் கஞ்சாவை கடத்திசென்ற தேனி மாவட்டத்தை சேர்ந்த 7 பேரை போலீசார் கைது செய்தனர்.  அவர்களிடமிருந்து 46 லட்சம் ரூபாய் மதிப்பிலான கஞ்சா மற்றும் கடத்தலுக்கு பயன்படுத்தப்பட்ட 2 வாகனங்களையும் பறிமுதல் செய்தனர்.