முட்டை விலை 60 காசுகள் சரிவு

தமிழகத்தில் முட்டை விலை 60 காசுகள் சரிந்துள்ளதால் பண்ணையாளர்கள் கவலை அடைந்துள்ளனர். வட மாநிலங்களில் ஷரவாண் பண்டிகை,தமிழகத்தில் ஆடி மாதம், கேரளாவில் மீன் வரத்து அதிகரிப்பு உள்ளிட்ட காரணங்களால் இந்த விலை சரிவு ஏற்பட்டுள்ளது. நாமக்கல் மண்டலத்தில் முட்டை விலை 4 ரூபாய் 5 காசுகளாக நிர்ணயம் செய்யப்பட்டுள்ளது. ஏற்கனவே தீவன மூலப்பொருள் பற்றாக்குறை, தீவன விலை ஏற்றத்தால் பண்ணையாளர்கள் பாதிப்படைந்துள்ள நிலையில், முட்டை விலை சரிவு, அவர்களை வேதனையில் ஆழ்த்தியுள்ளது.