காப்பக பெண்களுக்கு சான்றிதழ் வழங்க கோரிய வழக்கு : உயர்நீதிமன்ற மதுரைக்கிளை உத்தரவு

திருச்சியில் உள்ள  தனியார் காப்பகத்தில் தங்கியுள்ள இளம்பெண்கள், அனைவருக்கும் அனைத்து சான்றிதழ்களையும் வழங்க உயர்நீதிமன்ற மதுரைக்கிளை உத்தரவிட்டுள்ளது. காப்பகத்தை சேர்ந்த 86 பெண்களும் உயர்நீதிமன்ற மதுரைக்கிளையில் தாக்கல் செய்த மனுவை ​விசாரித்த நீதிபதிகள் ரவிச்சந்திர பாபு, செந்தில்குமார் ராமமூர்த்தி அமர்வு, காப்பகத்தில் தங்கியிருக்கும் இளம் பெண்கள் அனைவருக்கும் நிபந்தனைகள் இல்லாமல் உடனடியாக அனைத்து சான்றிதழ்களையும் வழங்க வேண்டும் என உத்தரவிட்டனர்.