கிணற்றின் விளிம்பில் நின்று குடிநீர் எடுக்கும் நிலை : மின்மோட்டார் பழுது - குடிநீருக்காக அவதி

ஓசூர் அருகே உள்ள டேம்எப்ளம் கிராமத்தில் மின்மோட்டார் பழுதானதால் குடிநீர் கிடைக்காமல் கிராமமக்கள் அவதிப்படுகின்றனர். இதனால் எல்லப்பா என்பவர் தோட்டத்தில் உள்ள கிணற்றில் இருந்து டேம்எப்ளம் கிராமமக்கள் தங்களது குடிநீர் தேவைக்காக தினந்தோறும் பிடித்து வருகிறார்கள். அங்கு ஆபத்தான முறையில் கிணற்றின் விளிம்பில் நின்று குடிநீரை குடங்களில் நிரப்பி வீடுகளுக்கு எடுத்து செல்கிறார்கள். எனவே கிராமத்தில் பழுதடைந்து கிடக்கும் மின்மோட்டாரை உடனடியாக சரிசெய்து குடிநீர் தேவையை பூர்த்தி செய்ய வேண்டும் என அரசுக்கு பொதுமக்கள் கோரிக்கை விடுத்துள்ளனர்.