இருப்பிட சான்று வழங்க அலைக்கழித்ததாக குற்றச்சாட்டு : தாசில்தார் அலுவலகத்தில் மயக்கமடைந்தவர் உயிரிழப்பு

திருவள்ளூர் மாவட்டம் பொதட்டூர்பேட்டையை சேர்ந்த கிருஷ்ணன், தனது மகனை உயர் கல்வியில் சேர்க்க முயற்சித்து வந்துள்ளார். அதற்கு இருப்பிட சான்று தேவைப்பட்டதால், கடந்த 15 தினங்களாக அவர் பள்ளிப்பட்டு தாசில்தார் அலுவலகத்திற்கு தினமும் சென்று வந்துள்ளார். இந்த நிலையில், தாசில்தார் அலுவலகத்தில் ஜமாபந்தி முகாம் நடைபெற்று வந்ததையடுத்து கிருஷ்ணன், அங்கிருந்த மரத்தடியில் அமர்ந்து இருந்துள்ளார். அப்போது திடீரென மயங்கி விழுந்த கிருஷ்ணன் சம்பவ இடத்திலேயே உயிரிழந்தார். வருவாய்த் துறை அதிகாரிகள் இருப்பிட சான்று வழங்குவதில் தொடர்ந்து காலதாமதம் செய்து வந்ததையடுத்து, சாப்பாடு, தண்ணீரின்றி அலைந்ததாலேயே அவர் உயிரிழந்ததாக உறவினர்கள் குற்றம் சாட்டியுள்ளனர்.