என்.எல்.சி அனல்மின் நிலையத்தில் தீ விபத்து - தொழிலாளி உயிரிழப்பு

நெய்வேலி, என்.எல்.சி. இரண்டாம் அனல் மின் நிலையத்தில் நடந்த தீ விபத்தில் தொழிலாளி ஒருவர் உயிரிழந்த சம்பவம் அதிர்ச்சியை ஏற்படுத்தியுள்ளது. என்.எல்.சி இரண்டாம் அனல் மின் நிலைய பாய்லர் டிவிஷனில் ஏற்பட்ட தீ விபத்தின்போது, வேல்முருகன், பாவாடை ஆகிய இரண்டு  நிரந்தர பணியாளர்கள் லிப்ட்க்குள் ஓடி ஓளிந்துள்ளனர்.  தீயணைப்பு துறையினர் தீயை அணைத்த பின்னர், லிப்டில் சிக்கிக்கொண்டவர்களை மீட்டபோது, வேல்முருகன் உயிரிழந்த நிலையிலும், பாவாடை ஆபத்தான நிலையிலும் மீட்கப்பட்டனர். உயிருக்கு போராடிய பாவாடையை  உடனடியாக என்.எல்.சி மருத்துவமனைக்கு கொண்டு செல்லப்பட்டு பின்னர் மேல் சிகிச்சைக்காக சென்னை ராமச்சந்திரா மருத்துவமனைக்கு கொண்டு செல்லப்பட்டுள்ளார். விபத்து குறித்து நெய்வேலி போலீசார் விசாரணை மேற்கொண்டுள்ளனர்.