இருசக்கர வாகனங்களை திருடி விற்கும் கும்பல் சிக்கியது

சென்னை புதுப்பேட்டையில் போக்குவரத்துக்கு இடையூறாக நின்ற லாரி ஒன்றில் இருசக்கரவாகனங்கள் இருந்தன. அது பற்றி எழும்பூர் போலீசார் விசாரணை செய்தபோது, லாரியில் இருந்த 9 இருசக்கரக வாகனங்களுக்கும் உரிய ஆவணங்கள் இல்லை என்பது தெரிய வந்தது. இது தொடர்பாக சபூர் மொய்தீன் என்பவரை பிடித்து விசாரித்தபோது,  திருட்டு வாகனங்களை வாங்கி விற்பதை அவர் ஒப்புகொண்டதாக தெரிகிறது. இதையடுத்து அவர் கொடுத்த தகவலின் அடிப்படையில், ஜாகிர் உசேன், சக்திவேல், ஷேக் ஆகியோர் கைது செய்யப்பட்டனர்.