குடிநீர் கேட்டு நீரூற்று நிலையத்தை முற்றுகையிட்ட பொதுமக்கள்

சென்னையில் குடிநீர் வழங்கக்கோரி நீரேற்று நிலையத்தை பொதுமக்கள் முற்றுகையிட்டதால் பரபரப்பு ஏற்பட்டது. சென்னை தண்டையார்பேட்டை மற்றும் ஐஓசி பகுதிகளில்,கடந்த இரண்டு வாரங்களாக குடிநீர் விநியோகிக்கும்  லாரிகள் சரிவர வராத காரணத்தால், குடிநீர் தட்டுப்பாடு ஏற்பட்டுள்ளது என அப்பகுதி மக்கள் குற்றம் சாட்டுகின்றனர். மேலும் இது குறித்து அதிகாரிகளிடம் புகார் அளித்தும், நடவடிக்கை எடுக்கப்படவில்லை என கூறப்படுகிறது. இந்நிலையில் அப்பகுதி மக்கள் பட்டேல் நகரில் உள்ள நீரேற்று நிலையத்தை முற்றுகையிட்டனர். தகவலறிந்து வந்த ஆர்கே நகர் போலீசார் உரிய நடவடிக்கை எடுக்கப்படும் என உறுதியளித்தையடுத்து பொதுமக்கள் கலைந்து சென்றனர்.