"மாணவர்களுக்கு மனவலிமையை ஏற்படுத்த வேண்டும்" - இல.கணேசன்

நீட் தேர்வு தோல்வியால் 3 மாணவிகள் தற்கொலை செய்து கொண்டது வருத்தம் அளிப்பதாக பாஜக தேசிய செயற்குழு உறுப்பினர் இல கணேசன் தெரிவித்துள்ளார். நாகை மாவட்டம் திருக்கடையூரில் செய்தியாளர்களிடம் பேசிய அவர் ,  தேர்வு முடிவுகள் வரும் போதும் தோல்வியடைந்த மாணவிகள்  தற்கொலை செய்து கொள்வது தொடர் கதையாக உள்ளதாக கூறினார். மாணவ-மாணவிகளுக்கு மனவலிமையை ஏற்படுத்த வேண்டும் இல.கணேசன் கேட்டு  கொண்டார். தமிழகத்தில் தமிழே தெரியாத ஓரு இளைஞர் சமுதாயம் உருவாகி வருவதாகவும்  இல கணேசன் தெரிவித்தார்.