வெள்ளாடுகளை அடித்து கொன்ற சிறுத்தை...

ஈரோடு மாவட்டம், கோபிசெட்டிப்பாளையம் அருகே, தோட்டத்தில் வைக்கப்பட்ட சிசிடிவி கண்காணிப்பு கேமிராவில், சிறுத்தைப்புலி நடமாடும் காட்சி பதிவாகி உள்ளது. அடிமாதையன் கோவில் அருகே வசித்து வரும் ரவி என்பவருக்கு சொந்தமான தோட்டத்தில், சிறுத்தைப்புலி ஒன்று நேற்று முன் தினம் புகுந்தது. பின்னர் அங்கிருந்த 12 வெள்ளாடுகளை சிறுத்தைப்புலி அடித்து கொன்றது. இந்நிலையில் அதன் நடமாட்டத்தை கண்காணிக்கும் வகையில், ரவியின் தோட்டத்தில் வனத்துறையினர், சிசிடிவி கேமிராவை பொருத்தினர். இந்த கேமிராவில் சிறுத்தைப்புலி நடமாட்டம் பதிவானதையடுத்து, அதனை பிடிக்கும் முயற்சியில் வனத்துறையினர் ஈடுபட்டுள்ளனர்.