டெல்லியிலிருந்து ரூ.20 லட்சத்துடன் வந்த அ.தி.மு.க. எம்.பி : வருமான வரித்துறை விசாரணை

டெல்லியிலிருந்து 20 லட்சம் ரூபாயுடன் சென்னை விமான நிலையத்திற்கு வந்திறங்கிய, ஆரணி தொகுதி அ.தி.மு.க., எம்.பி. செஞ்சி ஏழுமலையிடம் வருமான வரித்துறை அதிகாரிகள் விசாரணை நடத்தினர் . இந்த பணத்தை தனது வங்கி கணக்கிலிருந்து எடுத்து வந்ததாகவும்,  தனது மகளின் படிப்பு செலவுக்கு எடுத்து வந்ததாகவும் வருமான வரித்துறை அதிகாரிகளிடம் செஞ்சி ஏழுமலை விளக்கமளித்தார். மேலும் அதற்கான ஆவணங்களையும் அதிகாரிகளிடம் ஒப்படைத்தார். இதனையடுத்து அவரை பணத்துடன் செல்ல அதிகாரிகள் அனுமதித்தனர்.