தலைவனை தேட மக்களுக்கு தெரியவில்லை :சீமான்

திமுக வுடனோ, அதிமுக வுடனோ சேர்ந்து லஞ்சத்தை ஒழிக்க முடியுமா? என கேள்வி எழுப்பிய சீமான், ஊழலை ஒழிப்பதற்கு ஒரே வாய்ப்பு அந்த கட்சிகளை ஒழிப்பதுதான் என்றார்.விவசாயம் செய்து வாழலாம் என்றால் கூட விதை கிடையாது என குறிப்பிட்ட சீமான், விதையை நாம் சேமித்து வைத்து இருப்பதாக தெரிவித்தார்.எத்தனை அலைவரிசை கைபேசி வந்தாலும் உணவை விவசாயி தான் விளைவித்து தர வேண்டும் என்றும் சீமான் தெரிவித்தார்.எல்லோருக்கும் தேடல் இருப்பதாகவும், ஆனால் எதிர்காலத்தை தீர்மானிக்க தலைவனை மட்டும் தேட தெரியவில்லை என்றும் சீமான் தெரிவித்தார்.வருமானமா, இனமா என்று பார்க்கும் போது கமல்ஹாசன்,ரஜினிகாந்த் பணத்தை தேடி ஓடிக் கொண்டிருக்கும் போது  இனத்தை தேடி, தான் பத்தாண்டுகளாக ஓடியதாக சீமான் குறிப்பிட்டார்.