நாகர்கோவில் : கடன் வாங்கியவர் தீக்குளிப்பு - கடன் கொடுத்தவர் பலி

கன்னியாகுமரி மாவட்டம், நாகர்கோவில் அடுத்த ராமன்புதூரில் சுய உதவி குழுவில் பணியாற்றி வரும் அம்பிகா என்பவர், தங்கம் என்பவருக்கு 4 லட்சம் ரூபாய் கடனாக கொடுத்துள்ளார். கொடுத்த பணத்தை வாங்க அம்பிகா பலமுறை தங்கத்தின் வீட்டிற்கு சென்று வந்துள்ளார். அதே போல நேற்றும் தங்கத்தின் வீட்டிற்கு சென்ற போது இருவருக்கும் வாக்குவாதம் ஏற்பட்டுள்ளது. இதையடுத்து தங்கம் அங்கிருந்த மண்ணெண்ணெய் கேனை எடுத்து தலையில் ஊற்றி தீ வைத்து தற்கொலைக்கு முயன்றுள்ளார். அப்போது அதை தடுக்க முயன்ற அம்பிகா தீயில் கருகி உயிரிழந்தார். அலறல் சத்தம் கேட்டு ஓடி வந்த அக்கம் பக்கத்தினர் தங்கத்தை மீட்டு மருத்துவமனையில் சேர்த்தனர்.