நீதிபதி பணியிடங்களுக்கான முதல் நிலை தேர்வு முடிவுகள் : 3,500 பேரில் ஒருவர் கூட தேர்ச்சியாகவில்லை

தமிழகம் முழுவதும் காலியாக உள்ள 31 மாவட்ட நீதிபதிகள் பணியிடங்களுக்கு ஏப்ரல் 7ம் தேதி நடந்த  முதல்நிலை தேர்வில் 3 ஆயிரத்து 562 பேர் பங்கேற்றனர். பிரதான தேர்வு மே 25 மற்றும் 26ம் தேதிகளில் நடக்க உள்ள நிலையில், முதல் நிலை தேர்வில் பங்கேற்றவர்களில் ஒருவர் கூட தேர்ச்சி பெறாதது அதிர்ச்சியை ஏற்படுத்தி உள்ளது. கேள்விகள் மிகவும் கடுமையாக இருந்ததாலும், தவறான விடைக்கு மைனஸ் மதிப்பெண் வழங்கப்பட்டதாலும் ஒருவர் கூட தேர்ச்சி பெறவில்லை எனக் கூறப்படுகிறது. முதல்நிலைதேர்வில் தேர்ச்சி பெற்றவர்கள் மட்டுமே பிரதான தேர்வில் கலந்து கொள்ள முடியும் என்பது குறிப்பிடத்தக்கது.