ஊட்டியில் தேசிய அளவிலான மலையேற்ற பயிற்சி : 10 மாநிலங்களை சேர்ந்த 500 மாணவிகள் பங்கேற்பு

ஊட்டியில் தொடங்கியுள்ள தேசிய அளவிலான மலையேற்ற பயிற்சி முகாமில்  தேசிய மாணவர் படையை சேர்ந்த 500  மாணவிகள் பங்கேற்றுள்ளனர்.  மகாராஷ்ட்ரா, ஆந்திரா, தெலுங்கானா, கர்நாடகா உள்ளிட்ட 10 மாநிலங்களில் இருந்து வந்துள்ள  மாணவிகளுக்கு தேச ஒற்றுமை , கலாச்சாரம், தன்னம்பிக்கை,  ஒழுக்கம் உள்ளிட்டவை குறித்து போதிக்கப்பட்டது. நடைபயணம் மேற்கொண்ட மாணவிகள்  தொட்டபெட்டா மலை சிகரம், வானிலை ஆராய்ச்சி மையம், வெலிங்டன் இராணுவ முகாம் உள்ளிட்ட  இடங்களுக்கு நேரில் சென்று பார்வையிட்டனர்.