தேர்தல் முன்னேற்பாடுகள் குறித்த கூட்டம் - காணொலி காட்சி மூலம் அதிகாரிகளுடன் ஆலோசனை

தேர்தல் பாதுகாப்பு முன்னேற்பாடுகள் தொடர்பாக மாவட்ட தேர்தல் அதிகாரிகள், காவல் அதிகாரிகளுக்கு  உரிய அறிவுரைகள் வழங்கப்பட்டுள்ளதாக, தமிழக தலைமை தேர்தல் அதிகாரி சத்யபிரத  சாஹு தெரிவித்தார்.  சென்னை தலைமை செயலகத்தில் தேர்தல் அதிகாரி சத்ய பிரத சாஹு மற்றும் தேர்தல் டிஜிபி அசுதோஷ் சுக்லா  மற்றும் காவல் துறை உயர் அதிகாரிகள் தலைமையில் அனைத்து மாவட்ட தேர்தல்  அதிகாரிகளுடன் காணொலி காட்சி மூலம் ஆலோசனை கூட்டம்  நடைபெற்றது. இதில்  தேர்தல் பணிகளை முறையாக மேற்கொள்வது குறித்தும், வாக்காளர்களுக்கு பாதுகாப்பை  உறுதி செய்வது குறித்தும் ஆலோசிக்கப்பட்டது. பதற்றமான வாக்குச்சாவடிகளில் கூடுதல் போலீஸ் பாதுகாப்பு மற்றும் துணை ராணுவம் பயன்படுத்துவது தொடர்பாகவும் ஆலோசிக்கப்பட்டதாக சத்ய பிரத சாஹு தெரிவித்தார்.