பா.ம.க கொடியில் வீரப்பன் படம்

கள்ளக்குறிச்சி மக்களவை தொகுதி தே.மு.தி.க வேட்பாளர் சுதீஷை ஆதரித்து, சேலம் மாவட்டம் ஆத்தூரில் பா.ம.க நிறுவனர் ராமதாஸ் பிரசாரம் மேற்கொண்டார். பிரசாரத்திற்கு வந்த தொண்டர்களுள் ஒருவர், கையில் தாங்கி பிடித்திருந்த பா.ம.க கொடியில் சந்தன கடத்தல் வீரப்பன் துப்பாக்கியுடன் இருக்கும் படம் இருந்தது. கூட்டத்திற்கு வந்திருந்த பலரும் அந்த கொடியை பார்த்தனர். வீரப்பனின் படத்தை பா.ம.கவினர் பயன்படுத்த அவரின் மனைவி முத்துலட்சுமி ஏற்கனவே எதிர்ப்பு தெரிவித்திருந்தார் என்பது குறிப்பிடத்தக்கது.