செல்போன் டவரில் ஏறி நின்று தற்கொலை முயற்சி - 70 வயது முதியவரை மீட்ட தீயணைப்பு துறையினர்

விழுப்புரம் மாவட்டம் திண்டிவனத்தில் செல்போன் டவரில் ஏறி தற்கொலைக்கு முயன்ற முதியவரை தீயணைப்பு துறையினர் பத்திரமாக மீட்டுள்ளனர்.திண்டிவனம் அரசு பணிமனையில் மனோகரன் என்ற 71 வயது முதியவர் ஒப்பந்த தொழிலாளியாக பேருந்துகளில் துப்புரவு பணி மேற்கொண்டு வருகிறார். அவருக்கும் பணியாளர்களுக்கும் ஏற்பட்ட தகராறில், இன்று காலை 5 மணி அளவில் பணிமனையின் அருகே உள்ள செல்போன் டவரில் ஏறி நின்று தற்கொலை மிரட்டல் விடுத்தார். தகவலறிந்து வந்த தீயணைப்பு துறையினர் அவரை பத்திரமாக மீட்டனர்.