வட்டிக்கு பணம் கொடுத்தவரும் வாங்கியவரும் தற்கொலை முயற்சி : பணம் வாங்கியவர் உயிரிழப்பு - கொடுத்தவர் கவலைக்கிடம்

சென்னை மிண்ட் பகுதியை சேர்ந்த மனோஜ் என்பவர், நிதி நிறுவனம் நடத்தி வருகிறார். இவருக்கு, திருவல்லிக்கேணியை சேர்ந்த சித்திக் என்பவர் ஒரு கோடி ரூபாய் பணத்தை வட்டிக்கு வாங்கி கொடுத்துள்ளார். அந்த பணத்தை மனோஜ் நீண்ட காலமாக திரும்ப தராததால் இருவருக்கும் இடையே அடிக்கடி தகராறு வந்துள்ளது. இந்நிலையில் நேற்று மனோஜை தேடி நிதி நிறுவனத்துக்கு வந்த சித்திக் விஷம் அருந்தி தற்கொலை செய்து கொள்ள போவதாக கூறியுள்ளார். இதனால் ஆத்திரமடைந்த மனோஜ், சித்திக்கிடம் இருந்த விஷத்தை எடுத்து குடித்துள்ளார். உடனே, சித்திக்கும் விஷத்தை  பிடுங்கி  குடித்துள்ளார். இதில் மனோஜ் உயிரிழந்தார். ஆபத்தான நிலையில், சித்திக், மருத்துவமனையில் அனுமதிக்கப்பட்டுள்ளார் .