போலீசாரைக் கண்டித்து கால்டாக்சி ஓட்டுநர்கள் ஆர்ப்பாட்டம்

போலீசாரைக் கண்டித்து கார் ஓட்டுனர்களின் போராட்டம் நடைபெறும் என கால்டாக்சி ஓட்டுனர்கள் தெரிவித்துள்ளனர். அண்மையில், இழிவாக திட்டியதாக கூறி வீடியோ பதிவு வெளியிட்ட கார் ஓட்டுநர் ஒருவர் ரயில்முன் பாய்ந்து தற்கொலை செய்துகொண்டார். இது பெரும் அதிர்வலையை ஏற்படுத்திய நிலையில், அந்த போலீசாரைக் கண்டித்தும், அவர் மீது நடவடிக்கை எடுக்க வலியுறுத்தியும் இன்று ஒருநாள் அடையாள வேலை நிறுத்தப் போராட்டம் செய்கின்றனர். காலை 6 மணி முதல் மாலை 6 மணிவரை இந்தப் போராட்டம் அறிவிக்கப்பட்டுள்ளது. காலை 11 மணி அளவில் சென்னை வள்ளுவர் கோட்டத்தில் 5 ஆயிரம் பேர் பங்கேற்கும் கண்டன ஆர்ப்பாட்டம் நடைபெறும் என்றும், மாநிலம் முழுதும் ஆங்காங்கே ஆர்ப்பாட்டம் நடைபெறும் என்றும் தெரிவிக்கப்பட்டுள்ளது.