சிறைபிடிக்கப்பட்ட 180 விசைப் படகுகள் விடுவிப்பு
சிறையான படகுகளில் 48 மட்டுமே எஞ்சியுள்ளன
கடந்த 3 ஆண்டுகளுக்கு முன்பு எல்லைதாண்டி மீன்பிடித்ததாக சிறைபிடிக்கப்பட்ட படகுகளை 3-ம் கட்டமாக மீட்க ராமேஸ்வரம் மீனவர்கள் இலங்கை சென்றுள்ளனர். 3 ஆண்டுகளுக்கு முன்பு தமிழகத்தைச் சேர்ந்த 180 படகுகள் இலங்கை கடற்படையால் சிறைபிடிக்கப்பட்டன. அவை, தற்போது விடுவிக்கப்படுகின்றன. இந்நிலையில், இலங்கை கடற்கரையில் சேதமானது போக 48 படகுகள் எஞ்சின. அவற்றில் 2 கட்டங்களாக 14 படகுகள் மீட்கப்பட்டன. மேலும் 14 படகுகளை மீட்க 78 மீனவர்கள் இலங்கை சென்றுள்ளனர். ராமேஸ்வரத்தில் இருந்து புறப்பட்ட அவர்களை, இந்திய அதிகாரிகள், இலங்கை கடற்படையிடம் ஒப்படைத்தனர்.