பதவியை பயன்படுத்தி மனைவியுடன் தகாத உறவு என புகார் : கையில் தாலியுடன், ஆயுதப்படை காவலர் வெளியிட்ட வீடியோ

பதவியை பயன்படுத்தி ஒரு சில உயரதிகாரிகள் தம்முடைய மனைவியுடன் தகாத உறவு வைத்து குடும்பத்தை சீரழித்து விட்டதாக விழுப்புரம் மாவட்டம் ஆயுதப்படையில் பணிபுரியும் காவலர் ஒருவர், புகார் தெரிவித்துள்ளார். விழுப்புரம் ஆயுதப்படையில் காவலராக பணியாற்றி வரும் ராஜா என்பவர் கையில் தாலியுடன் வெளியிட்டுள்ள வீடியோ பரபரப்பை ஏற்படுத்தியுள்ளது. இந்நிலையில் இந்த வீடியோ குறித்து தகவலறிந்த விழுப்புரம் மாவட்ட காவல்துறை கண்காணிப்பாளர் ஜெயக்குமார், ராஜாவை கடலூர் மாவட்டத்திற்கும், அவரது மனைவியை கள்ளக்குறிச்சி அனைத்து மகளிர் காவல்நிலையத்திற்கு அதிரடியாக இடமாற்றம் செய்து உத்தரவிட்டுள்ளார்