விவசாயிகள் காத்திருப்பு போராட்டம் : உண்ணாவிரதத்தில் 3 பேர் மயங்கி விழுந்ததால் பரபரப்பு
நாமக்கல் மாவட்டம் குமாரபாளையம் அருகே கவுண்டனூர் பகுதியில் உயர் மின் கோபுரம் அமைக்க எதிர்ப்பு தெரிவித்து விவசாயிகள் காத்திருப்பு போராட்டத்தில் ஈடுபட்டுள்ளனர்.
இந்த போராட்டத்தின் ஒரு அங்கமாக, உண்ணாவிரத போராட்டம் 3 வது நாளை எட்டியது. சுமார் 200 பேர் பங்கேற்றுள்ள இந்த போராட்டத்தில், நடராஜ், சுப்பிரமணி மற்றும் கன்னிச்சாமி ஆகிய விவசாயிகள் மயங்கி விழுந்ததால் பரபரப்பு ஏற்பட்டது. போராட்டத்தின் போது, அரசு பேச்சுவார்த்தைக்கு அழைக்கும் விதத்தில் தங்கள் நிலங்களில் மிஞ்சியிருப்பது ஆவாரம்பூ உள்ளிட்டவை தான் என, அவற்றை வழங்கி பேச்சுவார்த்தைகளை அழைப்பதாக கூறி மத்திய மாநில அரசை கண்டித்து முழக்கங்கள் எழுப்பப்பட்டன.