தண்ணீரில் மூழ்கிய ஆயிரக்கணக்கான ஏக்கர் சம்பா பயிர்கள்

கஜா புயலால் பாதிக்கப்பட்ட திருவாரூர் மாவட்டத்தில் மீண்டும் மழை பெய்து வருகிறது. தாழ்வான பகுதிகளில் தண்ணீர் தேங்கியதால், பொதுமக்கள் அவதிக்கு ஆளாகியுள்ளனர். இலவங்கார்குடி உள்ளிட்ட பல்வேறு பகுதிகளில் வயல்களில் தண்ணீர் தேங்கி சம்பா பயிர்கள் முழ்கியதால் விவசாயிகள் வேதனை அடைந்துள்ளனர். ஆறுகள், வாயக்கால்கள் தூர்வாராததும் நீர்நிலை ஆக்கிரமிப்புகள் அகற்றப்படாததுமே இதற்கு முக்கிய காரணம் என கூறும் விவசாயிகள், தேவையான இடங்களில் தூர்வார வேண்டும் என அரசுக்கு கோரிக்கை விடுத்துள்ளனர்.