செங்கல்பட்டு அருகே பள்ளி மாணவர்களுக்கிடையே ஏற்பட்ட தகராறில் 12-ம் வகுப்பு மாணவருக்கு அரிவாள் வெட்டு விழுந்தது.காஞ்சிபுரம் மாவட்டம் காவிதண்டலம் பகுதியைச் சேர்ந்த பரத் என்ற மாணவன், ஒரக்காட்டுப்பேட்டையில் உள்ள அரசு மேல்நிலைப்பள்ளியில் பன்னிரண்டாம் வகுப்பு படித்து வருகிறார். இவருக்கும், சாத்தனஞ்சேரியை சேர்ந்த 10-ம் வகுப்பு மாணவனுக்கும் இடையே பிரச்சினை இருந்து வந்துள்ளது. இந்நிலையில்,நேற்று மாலை 10-ம் வகுப்பு மாணவன் செங்கல்பட்டு அறிஞர் அண்ணா பள்ளியில் 12-ஆம் வகுப்பு படித்து வரும் தனது அண்ணனை மோட்டார் சைக்கிளில் அழைத்து வந்து, பரத்தை அரிவாளால் வெட்டிவிட்டு தப்பி சென்றுவிட்டனர். படுகாயம் அடைந்த மாணவன் சிகிச்சைக்காக செங்கல்பட்டு அரசு மருத்துவமனையில் சேர்க்கப்பட்டுள்ளார்.