உலக கோப்பை போட்டி : இந்தியா vs பாகிஸ்தான் : பாகிஸ்தான் தொலைக்காட்சி வெளியிட்டுள்ள சர்ச்சை விளம்பரம்

கிரிக்கெட் ரசிகர்களிடையே பெரும் எதிர்பார்ப்பை கிளப்பியுள்ள இந்தியா - பாகிஸ்தான் மோதும் லீக் போட்டி வருகிற 16ஆம் தேதி நடைபெறுகிறது. இந்நிலையில் பாகிஸ்தான் தொலைக்காட்சி நிறுவனம் சர்ச்சை விளம்பரம் ஒன்றை வெளியிட்டுள்ளது, அதில் இந்திய விமானப்படை விங் கமாண்டர் அபிநந்தனை போல் ஒருவர் வேடமிட்டு வருகிறார். இந்தியா - பாகிஸ்தான் அணிகள் மோதும் போட்டியில் இந்திய அணியின் யுக்தி என்ன என கேட்கப்படும் கேள்விக்கு அவர் இது குறித்து பதில் அளிக்க தனக்கு அனுமதி கிடையாது என கூறுகிறார். சர்ச்சை விளம்பரத்தை வெளியிட்ட பாகிஸ்தான் தொலைக்காட்சிக்கு இந்திய ரசிகர்கள் சமூகவலைதளங்களில் கண்டனம் தெரிவித்து வருகின்றனர்.