"அதிமுக கொடி உங்களுக்கு ஏன்"..இறக்க சொன்ன ஈபிஎஸ் அணி - "முடியாது" சொன்ன ஓபிஎஸ் அணி-கோவையில் பரபரப்பு

கோவை மேட்டுப்பாளையத்தில் ஓ.பி.எஸ். அணியினர் ஏற்றிச் சென்ற அ.தி.மு.க. கொடியை ஈ.பி.எஸ். அணியினர் கழற்றிச் சென்றதால் பரபரப்பு ஏற்பட்டது. காரமடை சாலையில் உள்ள சி. டி. சி. பணிமனை அருகில் ஓ.பி. எஸ். அணி சார்பில், அதிமுக கொடி ஏற்றப்பட்டது. இதனை, அறிந்த ஈபிஎஸ் அணியினர், கொடியை நீக்கினர். பின்னர் மீண்டும் வந்த ஓ.பி.எஸ். அணியினர் மறுபடியும் கொடியை ஏற்றினர். இதனையடுத்து வந்த அதிமுக எம்எல்ஏ., பி.ஆர். ஜி. அருண்குமார், ஓ.பி.எஸ். அணியினரிடம் வாக்குவாதத்தில் ஈடுபட்டார். பின்னர், ஓபிஎஸ் அணியினர் ஏற்றிய அதிமுக கொடியை கம்பத்திலிருந்து கழற்றி சென்றார். இதனால் அப்பகுதியில் பரபரப்பு ஏற்பட்டது.